ليه ترحل ؟؟

موضوع: ليه ترحل ؟؟ الثلاثاء يوليو 08, 2008 2:10 pm

ليه ترحل ؟ وأنت تدري ماني على البُعد قاوي .. ؛؛؛

وأنت تدري إن بُعدك حطم خفوقي وسمّني .. ؛؛؛

ليه ترحل ؟ ما كفاك القلب متشتت وخاوي .. ؛؛؛

وما طعنْه إلا خناجر حب تجـرّني وتزمّني .. ؛؛؛

في غيابك أنهزم .. وآجر يمّك كل الخطاوي .. ؛؛؛

وأنثرك في خاطري وأرجع آلمّك .. وآلمّني .. ؛؛؛

مدري جنونٍ أو ظنونٍ .. الوكاد إني شقاوي .. ؛؛؛

والله أعلم إن فرقا عشيق القوافي خمّني .. ؛؛؛

صرت أعشق سكوتي .. وأنا أنثر شكاوي .. ؛؛؛

أخشى دموعي تنتثر لوتكلمت وأنت تضمّني .. ؛؛؛

تكفى دخيلك إرجع لعينٍ جرّحتها البكاوي .. ؛؛؛

ما همّها غير شوفة معشوقها ولو هو يذمّني .. ؛؛؛

كان قصدك عذاب .. عزّ الله إن كلّي بلاوي .. ؛؛؛

وكان قصدك فراق .. والله ما غيرك يهمّني .. ؛؛؛

باختم حروف العنا .. وآمنّي قليبي هقاوي .. ؛؛؛

وآشم عطرك قبل أمحيه .. لاجل يعمّني .. ؛؛؛

أشكر كل من شرفني وضيّع وقته في قراءة أحرفي المتواضعه .. ؛؛؛

لا تحرموني من آرائكم ولا من نقدكم .. ؛؛؛

دمتم بخير .. ولا حُرمنا من إطلالتكم الغالية علينا .. ؛؛؛